“Coca-Cola” investon 2 miliardë dollarë në Kinë

Presidenti dhe drejtori ekzekutiv i kompanisë amerikane, Muhtar Kent, ka deklaruar mbrëmë se “Coca-Cola” e konsideron Kinën si një ndër tregjet më të rëndësishme dhe se gjatë tri vjetëve të ardhshme në vendin me popullsinë më të madhe në botë do të ngrisë fabrika të reja dhe infrastrukturë për distribucion, shitje, marketing, zhvillim dhe hulumtim.

Vitin e kaluar “Coca-Cola” ka ofruar 2.4 miliardë dollarë për prodhuesin e lëngjeve “Huiyuan Juice Group”, por dy kompanitë janë ende duke pritur që qeveria kineze të miratojë marrëveshjen.

Zvicra, e përmbytur nga paratë ilegale

Në bankat e Zvicrës janë depozituar 3000 miliardë franga. Sipas vlerësimeve rreth 50-70 % e tyre janë para të paligjshme. Sekreti bankar përbën një faktor të mirë të mirëqënies në Zvicër. Për këtë zviceranët e kanë mbrojtur atë vazhdimisht.

Dorëzimi nga ana e bankës më të madhe zvicerane UBS i të dhënave bankare për klientë të caktuar të saj autoriteteve të drejtësisë në SHBA konsiderohet sipas ligjit zviceran si shkelje e sekretit bankar.

Thuajse asnjë program televiziv në Zvicër nuk e ka lënë pa trajtuar problemin e sekretit bankar. Qëkurse banka UBS u dorëzoi autoriteteve amerikane të drejtësisë të dhëna për klientët e saj, po shtrohet pyetja nëse sekreti bankar është duke u shpërbërë.

56 % e zviceranëve mendojnë se Zvicra duhet t'u vijë në ndihmë autoriteteve të vendeve të tjera, kur është fjala për invazion fiskal. Deri tani ligji parashikon një ndih ... Read more »

Tata Prima – koncept i bukur indian

Gjiganti indian Tata gjatë viteve të fundit po tërheq shumë vëmendjen e publikut. Pasi që modeli i lirë Nano ka tronditur industrinë e automjeteve në botë, indianët paralajmërojnë edhe disa modele të reja.

Tablet PC - Samsung Q1EX-71G

Samsung ka filluar shitjen kompjuterit tablet me emrin Q1EX-71G, të cilin do të duhej ta merrnin parasysh të gjithë ata të cilët kanë nevojë për një lloj të këtillë të kompjuterit.

Surfimi i sjell dobi trurit

Një studim i ri tregon se surfimi i zakonshëm në internet i sjell dobi trurit, prandaj ekspertët rekomandojnë që personat e moshuar të qëndrojnë më gjatë online.

Hulumtuesit kanë zbuluar se kërkimi në internet aktivizon qendrat trunore përgjegjëse për sjelljen e vendimeve dhe nxisin mendimin e përbërë.

Në studim janë përfshirë persona të moshave ndërmjet 55 dhe 76-vjeç, të cilëve iu është përcjellë qarkullimi i gjakut gjatë kohës kur kanë qëndruar në internet.

Rezultatet kanë treguar se kërkimet në internet janë një formë shumë e mirë e ‘ushtrimeve’ për trurin.

Ushqimi yndyror zbut reaksionin alergjik

Yndyrat e ngopura të pranishme në ushqim mund ta dobësojnë reaksionin e organizmit në alergjene, njoftojnë shkencëtarët suedezë nga Universiteti i Edinburghut.

Studimi i botuar në revistën “Clinical and Experimental Allergy” pohon se konsumimi i ushqimit yndyror ndikon në sistemin imun, dhe në këtë mënyrë pengon reaksionet alergjike, duke zvogëluar numrin e eozinofileve, qeliza të cilat janë përgjegjëse për reaksionet alergjike në mushkëri.

Në bazë të këtyre të dhënave, shkencëtarët planifikojnë hulumtime te mëtutjeshme për efektin e yndyrave në alergji, por paralajmërojnë se ky lloj ushqimi nuk mund të rekomandohet kur kihet parasysh nxitja e mbipeshës dhe sëmundjeve të zemrës dhe diabetit.

Cannavaro dëshiron të mbetet në Madrid

Mbrojtësi i Real Madridit, Fabio Cannavaro, thotë se dëshiron të mbetet në Santiago Bernabeu edhe në sezonin e ardhshëm.

Kapiteni i kombëtares së Italisë është duke i kaluar muajt e fundit tek kampioni i Spanjës. Ai shpesh është përfolur për një kalim në Serie A, tek Napoli, por edhe Real planifikon t’i ofrojë marrëveshje të re.

“Synimi im, si edhe i familjes time, është të mbetem në Madrid. Kam biseduar për marrëveshjen e re me ish-presidentin Ramon Calderon, por tash gjërat janë ca më të komplikuara”, ka thënë Cannavaro.

“Duhet të pres. Kur jeni para skadimit të marrëveshjes, agjenti juaj mund të negociojë edhe me ekipe të tjera, por për mua më mirë është këtu”, ka shtuar italiani.