DARKLOVE

Britney publikon klipin e ri

Scorpions — Fri, 13 Mar 2009 17:56:40 GMT

Britney publikon klipin e ri

Britney Spears ka publikuar videoklipin e saj të ri për këngën me tekst kontrovers, "If You Seek Amy".

Princesha e muzikës pop shfaq një identitet të dyfishtë në klipin e ri, si një grua e viteve të pesëdhjeta dhe një femër të pasionuar pas ndejave.

Është interesant të dihet mesazhi që ofron skena e fundit e klipit, ku Britney iu shërben tortë paparacëve, derisa djemtë e saj dhe burri e përcjellin.

Williams udhëheq fushatën për dhurimin e syve

Scorpions — Fri, 13 Mar 2009 17:52:02 GMT

Williams udhëheq fushatën për dhurimin e syve

Aktorja dhe këngëtarja Vanessa Williams është duke udhëhequr një fushatë për t’i inkurajuar njerëzit që t’i dhurojnë sytë e tyre pas vdekjes.

Misi i dikurshëm i Amerikës, është bashkuar me “Bankën e syve” të New Yorkut për t’i bindur njerëzit se pas vdekjes së tyre mund ta ndihmojnë dikë që të shohë.

Aktorja e serialit “Ugly Betty” është bërë mbështetëse e kësaj organizate që nga koha kur babai i saj, kishte nënshkruar që pas vdekjes së tij (në vitin 2007) t’i dhuronte sytë për t’i ndihmuar dikujt tjetër për të parë.

NBA: Lakers sigurojnë vendin për në play-off

Scorpions — Fri, 13 Mar 2009 17:49:36 GMT

NBA: Lakers sigurojnë vendin për në play-off

Los Angeles Lakers është ekipi i parë në Konferencën Perëndimore që tashmë ka siguruar vend në play-off, pasi ka regjistruar fitore 101-95 në udhëtim ndaj San Antonio Spurs.

Kobe Bryant dhe Pau Gasol, secili kanë shënuar nga 23 pikë për t’i dhënë fitoren e 52-të këtë sezon ekipit nga Los Angeles Lakers, kundrejt 13 humbjeve.

Michael Finley dhe Tony Parker shënuan nga 25 pikë për San Antonio, të cilët me humbjen e mbrëmshme i dhanë fund edhe tre fitoreve radhazi.

Trevor Ariza ka shënuar 10 pikë për Lakers, derisa Tim Duncan përfundoi ndeshjen me 16 pikë dhe 11 kërcime për Spurs, që tash kanë 43 fitore dhe 21 humbje.

Ranieri: Trezeguet më tradhtoi si fëmijë i llastuar

Scorpions — Fri, 13 Mar 2009 17:45:06 GMT

Ranieri: Trezeguet më tradhtoi si fëmijë i llastuar

Trajneri i Juventusit, Claudio Ranieri, e ka kritikuar sulmuesin francez David Trezeguet, për komentet e bëra gjatë kësaj jave.

Trezegol kishte shprehur pakënaqësinë e tij për shkak të zëvendësimit në ndeshjen kundër Chelseat në mesjavë, duke thënë se nuk e kishte idenë pse trajneri i tij kishte vepruar në atë mënyrë.

“Ajo që ka thënë Trezeguet më ka nevrikosur shumë. Fjalët e tij ishin si të një fëmije të llastuar. Ndjehem i tradhtuar më shumë nga reagimi i tij si njeri se si lojtar, dhe kjo më ka lënduar më së shumti”, ka thënë Ranieri për “Sky Sport Italia”.

Julia Roberts pëlqen familjen Obama

Scorpions — Sun, 08 Mar 2009 12:04:43 GMT

Julia Roberts pëlqen familjen Obama

Julia Roberts, e cila së shpejti do të shihet në kinema me filmin e saj më të ri “Duplicity”, thotë se ajo ka një joshje për Shtëpinë e Bardhë.

Ylli i filmit “Closer”, e cila është në krah të Clive Owen edhe në filmin e ri, thotë se ajo është një fanse e madhe e gjithë familjes Obama.

“Kam një joshje të madhe për Shtëpinë e Bardhë dhe për të katër anëtarët e familjes Obama. Michelle duket si një person e cila tregon vetveten dhe çfarë në vërtetë është”, thotë Roberts.

Robert po ashtu ka lavdëruar mikun e saj George Clooney.

“Ai është një mik i mirë. Ai është një mashkull të cilin e adhuroj shumë dhe më pëlqen atë që ai bën në jetë”, ka shtuar aktorja.

Lindsay Lohan: Po rritem

Scorpions — Sun, 08 Mar 2009 12:03:26 GMT

Lindsay Lohan: Po rritem

Ylli i filmit “Mean Girls”, aktorja 22-vjeçare Lindsay Lohan, thotë se “ajo është duke u rritur”.

Bukuroshja thotë se që nga fillimi i lidhjes së saj lesbike me Samantha Ronson ajo është qetësuar shumë dhe ka filluar ta zbusë natyrën e saj të vajzës së ndejave.

“Njerëzit thonë atë çfarë duan të thonë dhe unë nuk mund të bëj asgjë këtu. E kam bërë këtë për një kohë dhe jam rritur vërtet shpejt”, ka thënë bukuroshja.

“Nuk kam përgjegjësi më ndryshe nga njerëzit e moshës time dhe më ka kushtuar kohë për ta kuptuar këtë. Kam kaluar nëpër fazat nëpër të cilat është dashur të kaloj, tash po rritem”, ka shtuar Lohan.

Ferguson lavdëron Tevezin

Scorpions — Sun, 08 Mar 2009 12:01:54 GMT

Ferguson lavdëron Tevezin

Menaxheri i Manchester United, Sir Alex Ferguson, ka qenë plot lëvdata për autorin e dy golave në fitoren e djeshme ndaj Fulhamit, Carlos Tevez.

“Ishte një paraqitje e shkëlqyeshme, ai ka aq shumë energji”, ka thënë Ferguson pas ndeshjes së mbrëmshme.

“Secili ishte në formë dhe i freskët dhe pëlciste të luajë. Isha i ngazëllyer sapo filloi loja, me energjinë dhe kënaqësinë. Por ishte një ndeshje e vështirë, Fulham ishte në formë dhe duhet ta respektojmë. Barazimi ishte gjëja e fundit për të cilën kishim nevojë”, ka shtuar trajneri.

Derbi madrilen përfundon pa fitues

Scorpions — Sun, 08 Mar 2009 12:00:45 GMT

Derbi madrilen përfundon pa fitues

Derbi i kryeqytetit spanjoll i zhvilluar të shtunën mbrëma në Santiago Bernabeu, ndërmjet Real Madridit dhe Atletico Madridit, ka përfunduar me rezultat të barabartë, 1-1.

Mbretërit nuk kanë arritur ta mbajnë hapin me Barcelonën drejt garës për titull, pasi që kanë humbur pikë përballë rivalit të qytetit.

Të parët kaluan në epërsi lojtarët mysafirë pas një kundërsulmi të shpejtë. Sergio Aguero pasoi te Diego Forlan, i cili e mposhti portierin Casillas (38’) duke ia dhënë epërsinë Atleticos, ndërkohë që ky ishte rezultati i pjesës së parë.

Në pjesën e dytë (57’) Los Merengues barazuan rezultatin me anë të transferit të ri, Klaas-Jan Huntelaar, por nuk arritën të nxjerrin më shumë se një barazim nga kjo përballje e vështirë.

Vendasit madje kanë mundur të dënohen nga Atletico, po të kishte qenë më i saktë Kun Aguero, i cili humbi shumë raste të mira para portës së Casillas.

Me këtë pikë të fituar, Real Madridi largohet sërish nga kreu, dhe tani diferenca është gjashtë pikë, pasi që Barcelona ka shënuar fitore kundër Athletic Bilbaos.

Barcelona i kthehet fitores

Scorpions — Sun, 08 Mar 2009 11:57:42 GMT

Barcelona i kthehet fitores

Skuadra e Barcelonës ka arritur të shënojë fitore në Camp Nou kundër Athletic Bilbaos, me rezultat 2-0, për t’iu shmangur për gjashtë pikë konkurrentit direkt për titull, Real Madridit.

Pas tre dështimeve radhazi në La Liga, një barazim dhe dy humbje, Blaugranët arritën që më në fund të nxjerrin tre pikë të plota nga kjo përballje.

Golin e parë për katalunasit e shënoi Busquets (17’), pas një gjuajtje të lirë të ekzekutuar nga Xavi.

Vendasit e kryen punën që në gjysmën e parë të ndeshjes, pasi që Lionel Messi dyfishoi rezultatin nga pika e bardhë (31’).

Në pjesën e dytë nuk u shënuan gola, mirëpo Barcelona arriti të fitojë pikë në një moment shumë të volitshëm, kur kihet parasysh se Reali barazoi kundër Atletico Madridit.

Interi i pandalshëm

Scorpions — Sat, 07 Mar 2009 19:37:28 GMT

Interi i pandalshëm

Takimi i zhvilluar të shtunën në Stadio Ferraris, ndërmjet Genoas dhe Interit, ka përfunduar me fitoren e skuadrës mysafire, me rezultat prej 2-0.

Genoa, nga e cila pritej se do t’i shkaktonte probleme kampionit në fuqi të Serie A, është treguar e pafuqishme përballë lojtarëve zikaltër, pavarësisht se ka dominuar në pjesën më të madhe të lojës.

Nerazzurët e filluan këtë ndeshje duke qenë të fokusuar në takimin e të mërkurës në Old Trafford kundër Manchester United, megjithatë kundërshtari i tyre nuk e kishte fuqinë që ta mposhtte skuadrën lidere në Kampionatin italian.

Zlatan Ibrahimovic shënoi golin e parë. Foto: AP

Që në fillim të ndeshjes (2’), Zlatan Ibrahimovic heshti tifozët e pranishëm në Stadio Ferraris, pasi që e mposhti portierin Rubinho dhe kaloi Interin në epërsi.

Edhe pse vendasit mbanin topin, arrinin deri te gjashtëmbëdhjetëmetërshi kundërshtar, ata nuk arrinin ta shpartallonin mbrojtjen e fuqishme të Interit, dhe kështu deri në fund të takimit nuk mundën të shënojnë në portën e Julio Cesar.

Mario Balotelli shënoi golin e dytë dhe fundosi vendasit. Foto: Reuters

Mosefektivitetin e Genoas e shfrytëzoi Interi, që dyfishoi rezultatin me anë të Mario Balotellit (61’) duke i arkëtuar tre pikë të reja, dhe tash gjendet dhjetë pikë përpara Juventusit, që ka një ndeshje më pak të zhvilluar.